Агенцијата за храна и ветеринарство известува дека по првичната анализа на мостри од мачките за кои постои основано сомнение дека се заболени од беснило, извршена во националната референтна лабораторија при Факултетот за ветеринарна медицина во Скопје и добиените позитивни резултати со методот на фуоресцентни антитела, во насока на нивна целосна верификација, АХВ веднаш ќе ги испрати мострите во референтната лабораторија на Европската унија во Нанси – Франција, за вршење на дополнително лабораториско испитување и финално потврдување на присуството на вирусот на беснило. Резултатите се очекуваат за 6-7 дена.

Агенцијата за храна и ветеринарство на Република Македонија, на 13.05.2013 година (понеделник), утврди сомнителен случај на беснило, и тоа кај улична мачка од подрачјето на населба Радишани во Скопје. Финалните лабораториски резултати од страна на Факултетот за ветеринарна медицина - Скопје се очекуваат во попладневните часови, меѓутоа клиничките знаци и методот на флуоросценција укажуваат на присуство на беснилото. Примероци се земени уште од две мачки, за кои исто така постои сомнеж за присуство на болеста.

Мачката за која постои сомневање за присуство на беснило, претходниот ден (на 12.05.2013 година), гризнала и човек. На гризнатото лице му е пружена неопходната медицинска помош, односно примен е соодветен третман против беснило.

Почитувани,

Во Службен весник на Република Македонија бр.68 од 13.05.2013 година се објави:

Решение за изменување на решението за определување на инспекциски места на граничен премин за увоз на храна од неживотинско потекло

Почитувани,

Во Службен весник на Република Македонија бр.65 од 07.05.2013 година се објави:

Правилник за нутритивни и здравствени тврдења во комерцијални цели при означување, презентација и рекламирање на храната